Mundarrok partidu garrantzitsua jokatu du gaur, 16:00etan, Zarkumendegin, Erregional Preferente mailan. Altzako Roteta taldearen bisita jasoko du eta garaipenaren bidera itzuli nahi du.
Astigartarrek azken bi partiduak galdu dituzte; Billabona eta Euskaldunaren aurka, eta puntu gehiagora urrundu ez nahi baldin badute hiru puntuak beharrezkoak dira. Bolada txarra amaitu eta berriz ere garaipenaren usainera itzuli nahi du taldeak. Denboraldia ezin hobeto hasi zuten bost garaipen erreskadan lortu eta gero, azken bi jardunaldietan etorri dira denboraldiko bi porrotak.
Rotetaren ibilbidea aldiz guztiz kontrakoa da. Altzako taldeak ezin okerrago hasi zuen denboraldia bost partidu galduta erreskadan. Azken postuan zeuden orain bi aste zero punturekin, baina azken bi partiduak irabazi dituzte. Orioko eta Tolosa garaitu dituzte etxean eta zulotik irten dira.
Beraz ez da partidu erraza izango astigartarrentzat. Konfidantzarik gabe irtengo dira zelaira jakinda aurrean arerio gogorra eta batez ere indartuta datorrela.
Gainera, Mundarrotarrek badakite aurkari zuzen batzuek lortu dituzten emaitzak. Ostegunean jokatu ziren lau partidu eta lehenengo sailkatuak, Euskaldunak, garaipen berri bat lortu zuen. Irabazi ezkero bigarren kokatuko dira sailkapenean, andoaindarretik hiru puntura.
Garaipena Erregionalak, Andoainen
Hain zuzen, Andoainen lortu zuen garaipena, ostegunean, Erregional mailako taldeak. Mundarroko bigarrengo taldeak 0-1 garaitu zuen Euskalduna. Garaipen ona eta bosgarren postura igo dira sailkapenean.
Ostegunean partidu gehiago ere jokatu ziren. Neska kadeteek Zarkumendegin galdu zuten Zarautzen kontra, 0-1.
Lehenengo mailako jubenil mutilek Usurbilen banakoa lortu zuten eta Ohorezko mailako jubenilek bihar jokatuko dute Matigoxotegin, 19:15etan, Kostkasen kontra. Irabazi ezkero lehendabiziko postuan mantenduko lirateke, Touringekin berdudinduta 20 punturekin, zortzi jardunalditan.
Saskibaloiko talde nagusiak ere gaur jokatuko du kiroldegian
Saskibaloi sekzioan, lehenengo taldeak ere futbolekoaren ordu berean, gaur 16:00etan, jokatuko dute jardunaldia kiroldegian. Aurkaria Tolosako TAKE Orbela izango da. Astigartarrek talde sendoagoa dute eta irabazi beharreko partidua da.
Mutilen junior eta nesken kadete taldeek Donostian jokatuko dute goizean, neskak, eta arratsaldez, mutilek.