50.000 euro, Kaxkoko etxebizitzetan leihoen aldaketa diruz laguntzeko

AStigarragako Udalak Kax­koko etxebizitzetako biziga­rri­tasun baldintzak hobe­tze­ko diru-laguntza kan­pai­na ja­rri­ko du martxan. Toki­ko Go­bernu Batzordean onar­tu eta ge­ro Astiga­rragako Udalak aur­tengo udal aurre­kon­tu­etatik 50.000 euro bide­ratuko ditu herriko hiri­guneko etxe­bizitzetako lei­hoak aldatzeko diru laguntza deialdia mar­txan jartzeko. Hiriguneko etxe­bitzetako iru­dia berrituko da laguntza honekin.
Deialdiaren helburua As­ti­garragako etxebizitzetako kan­poaldeko arotzia kristal­duna (lehio eta ateleikoak) alda­tzeko diru laguntza ema­­­tea da. Modu horretan, iso­­la­­mendu akustikoa hobe­tuko da, zaratak saihestuz, eta energia kon­tsu­moa mu­rriz­tea lortu­ko da; on­do­rioz etxe­bi­­zitze­tako bizi­ga­rritasun bal­­dintzak hobe­tuko dira he­rriko Kaxkoan.

Dokumentazioa aurkezteko epea azaroa erdialdean aurreikusten da
Dokumentazioa aur­kez­teko epea azaroaren erdialdean ire­kitzea aurreikusten da, Tokiko Gobernu Batzordeak eta Gipuzkoako Aldizkari Ofi­zialak argitaratu ondoren.
Diru laguntza lortzeko be­te behar diren baldintzak eta baita aurkeztu beharreko do­ku­­mentazioa ere udale­txeko www.astigarraga.eus web­gu­nean egongo da ikusgai le­hen aipatutako pau­­­soak be­te­tzen direnean.