Convivium Singers abesbatzaren kantuak, gaur Andra Mari elizan

Erresuma Batuko Convivium Sin­gers abesbatzak kontzertua es­kai­niko du gaur, Andra Mari Elizan, 19:30etan hasita. Aza­roko agendako lehenengo eki­taldia da. Udaleko Kultura sailak antolatzen du eta Aiz­tondo abesbatza da laguntzailea.
2011an Tolo­sa­ko nazioarteko abesbatzen lehia­ke­tan sa­ri­tua izan zen eta aurten ere parte har­­tuko du 50garren edizioan. Pasa den ur­tean etorri ziren San­sara abesbatzaren leku­koa hartu du Erre­suma Batuko beste abes­­batza honek.
Partaideen artean opera, mu­sikalak antzinako musika edo jazzean espezializatutako ba­karlariak daude. Berpiz­kundeko maisuetatik kon­po­sa­tzaile garaikideetara eta ma­dri­­galetik herri musikara, abesbatzak errepertorio zabala du. Kontzertua doan da denentzako.