Kopako finalerdien bila irtengo da bihar Hernani

Partidu historikoa izan daitekeena jokatuko du, bihar, Her­na­nik Landaren, 12:00etatik au­rrera. Zazpigarren jardunaldi­an denboraldiko lehenengo der­bia jokatuko du Bizkaia Gernikaren aurka. Eta garaipena eta puntuez gain, jokoan Erre­ge Koparako finalerdia egongo da. Partidua irabazten duenak sari potolo hori edukiko du. Hernaniren kasuan, 32 urte pasa dira azken aldiz Kopako finalerdietara sartu zela eta taldearentzat haundia litzateke finalerako aurrekoan egotea.
Hala ere, urteko helburu nagusia, beste urte betez, mailari eustea da eta horretarako ere partidu oso garrantzitsua da biharkoa. Bi euskal taldeak, hurrenez hurren, hamargarren eta hamaikagarren daude ko­katuak sailkapenean ha­mai­kana punturekin. Irabaz­leak kolpea lortuko luke aurkari zuzen baten aurrean.
Pasa den urtean, Gernikak garaipena lortu zuen Lan­daren, markagailu estu batekin. Aurten Hernanik hobe hasi du denboraldia eta partidu guztiak lehiatu ditu, baina argi dute ezin dela konfidan­tzarik izan. Complutense Cis­neros da Ligako azkena eta irabazi duen partidu bakarra Lan­daren lortu zuen. Hori buruan du­te Polidorik zuzentzen ditu­en jokalariek eta beraz partida irabazten saiatuko dira burubelarri hasieratik amaiera bitarte. Saria bikoitza izango da.