Urumea Bailarako akademiak herritarren behar eta premia ezberdinetara egokituta daude. Ikasketak egunean eramateari geroz eta garrantzia gehiago ematen zaio gaur egun. Ikasi nahi duenak beraz, badu nahi adina aukera akademietan.
Laguntza akademietan lau azpimarratu daitezke aukeren artean: Ekide, Akademia, Onddi eta Urolalde dira horiek. Ikasturtea nahi bezain ondo ez daramakitenentzat laguntza ematen dute. Eta baita ere, unibertsitate edo helduen ikasketetarako sarbide probak prestatzen ari direnei ere. Maila guztietako ikasleek ikasi dezakete bertan, beraz: eskolan daudenak, batxilergoa egiten ari direnak, sarbide probak prestatu nahi dituztenak... Horrez gain, Urolalde Enplegurako Lanbide Heziketa zentroa dago, bereziki, ikasle, langile eta langabetuentzat ikastaroak ematen dituzten lekua.
Akademian laguntza eskaintzen dute
Ikasketa orokorretan laguntza behar duenari ematea da Akademiaren helburu nagusietako bat: «errefortzu klaseak ematen ditugu gehienbat».
Urte osoan zehar ikasketak egunean eramateak duen garrantzia azpimarratu nahi izan dute Akademiatik: «askotan ikasgairen batekin arazoak dituztenean, notak jakitean etortzen dira. Eta komeni izaten da horri aurre hartzea. Gure gomendioa da, urte osoan gerturatzea, eta zalantzak sortzen diren heinean argitzea».
Ikasle gehienak zalantzak argitzera, errefortzu bila gerturatzen badira ere, badira nota hobetzeko Akademia aukeratzen dutenak: «kontuan izan Lehen Hezkuntzatik Unibertsitatera bitarteko ikasleak izaten ditugula. Eta hain zuzen azken hauek, zein ikasketa egin nahi dituzten jakiten dutenean, nota igotzea izaten dute helburu».
Urolalde, langileentzat eta etengabeko prestakuntza zuzendua
Hala ere, Akademiatik azpimarratu nahi dute beraientzat pertsonak direla inportanteak: «beraiek dira garrantzitsua. Askotan beharra ez da soilik akademikoa izaten; motibazio faltarekin etortzen dira, galduta... Beraiengan konfiantza galduta dute askok, eta guretzat oso inportantea da hori berreskuratzea, denek balio dutela sentiaraztea».
Enplegurako lanbide eta heziketa zentroa ere bada Hernanin: Urolalde. Batetik, langile eta langabetuentzat ikastaroak ematen dituzte. Eskaintzen artean, profesionaltasun ziurtagiriak ateratzeko aukera eskaintzen dute; gainera, gogoratu dute ikastaro hauek %100 diruz lagundutakoak direla.
Horrez gain, etengabeko prestakuntza ere eskaintzen dute, eguneratu eta birziklatzeko behar edo gogoa duten langile eta langabetuentzat.
Lanbiderekin harreman zuzena dute Urolalden, eta langabetuak lan mundura gerturatzea dute helburu: langile agentzia bezala funtzionatzen dute, lanik gabe daudenentzat lanpostuak bilatuz.
Onddi, Ekide eta Akademia, ikasleentzat
Hernanin ere badira Onddi, Ekide eta Akademia akademiak. Batez ere, DBH eta batxilergoko ikasleak hartzen dituzte, baina ez dira horretara murrizten. Gai guztiak lantzen dituzte.