Kurdistandik Euskal Herrira, emakumeen borroka

Kongra Star mugimenduko kideak dira Hanan Sido eta Gulgijan Shimshak, eta Her­nanin izan berri dira, Aska­penak antolatuta, kurduen as­kapen borrokaren berri ema­ten, Kontrakantxa Gazte­txean. Aurretik, Bilbon egin berri den Emakumeen Mun­du Martxaren XI. Nazioarteko Topaketan izan dira.

Emakumeak, askapen borrokaren giltzarri
Ekialde Hurbileko erkidego autonomoa da Siria Iparral­de­ko Federazio Demo­kra­ti­koa; Siriako Kurdistan edo Ro­java izenez ere ezaguna. Men­debaldeko Kurdistani da­gokio Rojava. Kurdistango hego-ekialdea, iparraldea eta ipar-ekialdea, berriz, Turkia, Irak eta Iranen artean ba­na­tzen dira, hurrenez hurren.

2014an onartu zen Ro­ja­vako Konstituzioa, eta kon­fe­de­ralismo demokrati­ko­an oi­na­rritzen den estatu laikoa osatzen du; genero berdin­ta­su­na, gutxiengo etnikoa edo­ta garapen ekologikoa defen­da­tzen ditu. Hain zuzen, ideia horren aldeko borrokan zere­san haundia izan dute Kon­gra Star mugimenduaren buel­­tan bildutako elkarteak. Ema­­kumeen askapen demo­kratiko eta ekologikoan oina­rri­tutako elkarteak eta ema­kumeen antolaketa oinarri duten elkarteak biltzen ditu Kongra Star mugimenduak, eta bertako ordezkariak dira Hernanin izandako Hanan Sido eta Gulgijan Shimshak. 

Siria iparralde osoan dau­den emakumeen elkarte, ko­o­pe­­ra­ti­ba, asanblada edo mu­gi­men­du kulturalak biltzen di­tu, eta Rojavako Iraultzaren ondoren are gehiago indartu da mugimendua, emaku­me­en askapena lortu gabe gi­zarte askerik ezin dela lortu sinesten baitute.

Jinwar, Emakume Askeen Herria
Emakumeen askapen bo­rro­ka horren eredu da, baita ere, Hernanin izandako ordez­ka­riek sustatzen duten Jinwar, Emakume Askeen Herria. «Ka­pitalismo modernoaren alternatiba izan nahi duen bi­zi­, lan eta harreman ereduak sortu nahi dira Jinwar-en, emakumea erdigunean ja­rri­ta; kolektibitatea, auzo-lana eta ekologia dira oinarri». 
2017ko martxoan sortu zuten genero-indarkeriaren aur­kako herri hau, eta la­guntzeko aukera badago, www.jinwar.org webgu­nea­ren bidez.