Santu guztien eguna, eta beraz, jai-eguna izango da biharkoa, eta Kontrakantxa Gaztetxean Elkartasun Jaialdia antolatu dute, egun osorako.
Eguna hasteko, bihar goizeko 11:00etan jarri dute zita: Feminismotik Iraultzara hitzaldia izango da.
Arratsaldean, berriz, musikak hartuko du protagonismoa. Aurrena, 18:00etatik 21:00etara pintxopote musikatua egingo da, Astiarrako Nesken kontzertu akustikoak lagunduta. Gauean izango da musika gehiago: 23:00etan hasita joko dute Nafarroako Desperdizio, punk-hardcore taldeak; Gasteizko Ziakhus, rap taldeak; eta ‘Obabako’ Magaz in Fernu DJak.