Langileek nomina kobratu dute

Bi asteko borrokaren ostean, Gekako langileek zor zieten iraileko nomina kobratu dute eta bertan behera utzi dute greba. «Harro esan dezakegu, beste behin ere langile bo­rrokak nagusikeria gelditzea jartzea lortu duela» dio enpresa batzordeak.
«Bi asteko grebak egin be­har izan ditugu gure lanari da­go­kion soldata kobratzeko. Eta ez, arrazoia ez da enpresak diru arazoak dituela. Alderantziz, Geka enpresa ekonomikoki oso on­gi dago, lan asko dauka, patrimonio haundia... Arazoa, patronaleko jauntxoen diru-go­sea eta bazkideen arteko le­hia kapitalista basatia, nork ge­hiago izan» salatu dute langi­leen ordezkariek.
Langileen borroka beha­rrezkoa dela diote enpresa ba­tzor­detik. «Eta nola ez, kapi­ta­laren erreinuan, kalte­tuak beti ber­dinak, langileak. Eskerrak Ge­kako langileek euren duin­tasunari eutsi eta tinko agertu direla nagusien au­rrean. Egin­dako borrokari es­ker soldatak ko­bratzea lortu dute, baina me­hatxuak bertan dirau».
Adi jarraituko dutela diote. «Borrokaldi hau irabazi dugu, baina ika-mika gertutik jarrai­tuko dugu. Euren artekoak eu­ren artean konpon ditzatela, dagokiguna emanez».