Gaur hasiko da erremonteko Binakako Txapelketa, eta gaur bertan ekingo dio, Endika Barrenetxea hernaniarrak ere. Baina estreinakoan, Ansa IIrekin ez, Urtasunekin ariko da, bikotekideak sudurra hautsita duelako. Ezkurra II eta Etxeberria III izango dituzte aurrean, jaialdiko hirugarren partiduan. Horren aurretik, txapelketako beste partidu bat ere jokatuko da: Urrizak eta Zubirik jokatuko dute, Segurola eta Ionen kontra. Arratsaldeko 16:00etan hasiko da jaialdia, Galarretan.