Xoxokako desafioan garaipena, Irazustabarrenak

Irabazi egin zuten joan den la­runbatean, Xoxokako jaietako desafio ederrean, Suharri Ira­zus­ta­ba­rre­­na astigartarrak eta Julen Ga­birondok, Urtzi eta Beñat Te­lleria anaien kontra. 47:49 denboran osatu zuten sa­ioa, eta mi­nutu eta bost segundu beranduago bukatu zuten telleriatarrek.

Hala ere, espero zen bezala, atzetik hasi zuten saioa, Ira­zus­tabarrenak eta Gabirondok. Azkarrago egin zizkioten 50 al­txaldiak, 100 kiloko zilindroari, Telleria anaiek, harrijasotzaileak baitira biak. 3:20 behar izan zuten haiek, eta 5:18 astigartarrak eta Gabirondok. Baina bes­te bietan, hobeto aritu ziren. Ko­rrika egin beharreko sei ki­lometroetan, minutu erdi mu­rriztu zuten tartea, eta beraz, minutu eta erdi beranduago ekin zioten sega saioari.

Eta azkeneko horretan bai, espezialistak direla erakutsi zuten Irazustabarrenak eta Eus­kal Herriko txapeldunak. 700 metro karratuko lur­saila moztu behar zuten, eta erraz hartu zieten aurrea. Mi­nututik gorako aldearekin bu­katu zu­ten desafioa, azkenean.

Ikusmina piztu zuen desa­fioak, eta eguraldia lagun, jendetza bildu zen Xoxokan; baita giro ederra sortu ere.