Txantxillako jaiak ez ditu eguraldi txarrak geratuko

ASTEBURURAKO eguraldi ma­ku­rra dago iragarrita, batez ere arratsaldetik aurrera, baina Txantxillako jaiak ez ditu gera­tuko. Hotzari aurre egiteko erre­mediorik onena du, hau­rrentzako eta helduen­tzako krosa. Goizeko 10:15etan hasiko dira txikienak eta ordu laurden geroago helduak. Santa Bar­barako ermitara igo eta jaitsiz, 6,3 kilometro osatuko dituzte korrikalariek. Helmugara au­rrena iristen denak bakarrik ez, er­mitako kanpaia jotzen lehe­nengoak ere izango du saria gero.

Egitaraua zabala da eta denentzako prestatu dira ekin­tzak. Sagardo dastaketa eta au­zotarren bazkaria ere izango dira eguerdian. Plazan biltzen dira bizilagunak giro ezin­hobean mahaiaren ingu­ruan. Eta arratsalde­an, arimen ka­le­jirak hartuko du prota­go­nis­moa, bes­te behin.

Iluntzearekin batera ate­rako di­­ra haur eta gazte­txoak, bel­tzez jantzita eta aurpegiak margotuta, dultzai­neroen la­guntzaz. Aurten, gainera, no­be­­dade bat ere izango du kale­jirak: dan­tza egingo dute ari­mek, doi­nu be­re­zi bat oinarri har­tuta, Irun­go Agirretxe ana­iei esker iri­tsi za­ie­na. Dantza lehe­nengo aldiz ikusteko au­kera dute gaur herritarrek 19:00etatik aurrera.

Doinu horrekin dan­tza­tuz eta kale­jiran, urte osoko giro txa­rrak, beldurrak, zalantzak eta kez­kak uxatuko dizkiete ari­mek, bertaratuei, erratza eta mas­ku­riak astinduz. Gau­er­diarekin batera amai­tuko da festa.