26 urteko gizon gaztea atxilotuta, bikoteari ukabilkada emateagatik

Ertzaintzak Hernaniko Udal­­tzaingoarekin batera, 26 urteko gizon gazte bat atxilotu zuen aste­azkenean, Zinkoenean, bi­ko­­teari ukabilkada ema­te­a­ga­tik eta kalean meha­txa­tze­a­gatik, Segurtasun Sai­lak jaki­narazi duenez.

Gertakariak asteazken gau­ean, 21:00etan, jazo ziren, Zin­koenea plazan. Atxilotuak aur­pegian jo zion emakumeari eta zauritu egin zuen. Odola zerion sudurretik eta han zeuden bizi­lagunek artatu zuten.
Biktimari laguntzera hur­bildu zen gizon bat ere jo zuen, eta hainbat lesio eragin ziz­kion. Abisua jaso ostean, Er­tzain­­tzaren eta Udal­tzain­go­aren patruila bana bertaratu ziren. Erasotzaileak plazan ja­rrai­tzen zuen, ema­kumeari hil egingo zuela mehatxu egi­nez. Udal­tzain­go­arekin ze­go­en ema­­ku­mea Ertzaintza iritsi zenean. Ertzainek gizon gaztea atxilotu eta polizia-etxera era­man zuten. Hainbat deli­tu­rengatik aurrekariak ditu.