Ostegunerako jarri du hurrengo zita Dobera Euskara Elkarteak, Zinea Euskaraz! egitasmoarekin. 80 egunean pelikula jarriko dute, Jon Garañok eta Jose Mari Goenagak zuzenduta. Arratsaldeko 18:30etan izango da, Sandiusterrin; sarreraren truke, borondatea. Axun eta Maite dira protagonistak; 50 urte luzeren ondoren, berriro topatuko dira, eta konturatuko dira, bien arteko kimika ez dela aldatu.