iñigo Legorburu hernaniartutako idazlearen azkeneko sariak, saria dakar, baita ere, Kronikalari batzuentzat.
Hain zuzen, Gosoa Kafea Literatura Lehiaketako euskerazko ataleko aurreneko saria jaso du Berotegi efektua izeneko lanarekin. Gaztelaniazko atalean, aldiz, Eduardo Solana gailendu da, Argi lanarekin.
Bi lanekin, liburuxka bat kaleratu dute, eta horietako bost jaso ditu Kronikak Iñigo Legorbururen eskutik, Kronikalarien artean zozketatzeko.
‘Kafearen argitasuna’ gaiaren bueltan
Gosea Kafearen Kontakizun Laburren III. lehiaketa da hau, eta oraingo honetan, kafearen argitasuna gaiaren bueltan idatzi behar izan dituzte lanak.
Iñigo Legorbururen kasuan, Berotegi Efektua deritzon lana aurkeztu zuen, depresioari buruz hitz egiten duena. Berak dioenaren arabera, «norberaren argitasun faltari» buruzkoa, hain zuzen.
Gainera, Hernaniko txoko bat da, kokaleku: Karabeleko etxaldea. Bertan, ama eta seme baten arteko harremanez dihardu; amak aurrera egiteko, Karabelekon dauden inbernadero edo negutegiak baliatuko ditu, depresioa gainditzeko.
Eduardo Solanak, aldiz, Argiren istorioa kontatzen du: kafetegi bat duen familiaren emakumeen arteko istorioa da, eta bertako alaba da Argi.
Solana egun Madrilen bizi den errenteriarra da.
Saria ere, xelebrea
Gaia xelebrea den bezala, saria ere halakoa da. Bi kontakizunak agertzen diren 50na ale jaso zituen egile bakoitzak, baita diploma bana ere.
Horrez gain, kafea ere jaso zuten, baina ez nolanahi, euren pisua kafe kilotan oparitu zieten. Legorbururen kasuan, 86 kilo kafe; eta Solanarenean, 71.
Zozketa, ostiralean
Jasotako aleetatik, 5 ale eman dizkio Iñigo Legorburuk Kronikari. Horiek, Kronikalarien artean zozketatuko ditu, datorren ostiralean. Ordura arte, nahi duenak, Kronikalari egiteko aukera izango du, 25 euroren truke. Informazio gehiagorako: Larramendi 11, 943 33 08 99 edo kronika@kronika.eus.