Txokok lortu du gailurrera iristea

HIRUGARREN postutik lehen­da­bizikora pasa da urte betean Txoko taberna. Bakailu pintxo goxoena dela au­ke­ratu dute herri­tarrek, Txo­kok prestatu duena aurreko bi aste haue­tan. Rufino beti egoten da au­rreko postuetan eta pasa den urtean irabazi eta orain bi urte bigarren ge­ratu ondoren, aur­ten hiru­garren postua lortu du. Aur­tengo ‘ezustea’ Goiz Ar­gik eman du bigarren postu­a­rekin.
Beste lehiaketa bat ere izan zen atzo, Bakailu Festan. Pil-pil eran prestatu zuten ba­kailua, 14 bikote parte­har­tzaileek, eta ira­bazlea, Mi­kel Zu­rutuza eta Iñaki Korta­jarenak prestatu zuten. Biga­rren saria, berriz, Ainara Amu­narriz eta Javi Ayesak lortu zuten, eta hiru­ga­rrena, Aritz Bragado, Juan Manuel Andrés, Mikel Uriarte eta Ander Mitxelenak. Horrekin, bukaera eman zioten atzo, Hernaniko Bakailu Asteari eta hurbildu ziren hernaniar eta ez hernaniarrek sagardoa eta pintxoak jan eta edan zituzten festa giroan bukaera ezin hobea emanez urteroko festa arrakastatsuari.