Hernanik ezustea eman nahi du gaur, 12:30etatik aurrera, Landaren, VRAC Quesos Entrepinaresen aurka. Valladolideko taldea hamarkadako dominatzailea izan da eta txapelketa gehienetan lortu du irabaztea. Gaur egungo Liga txapelduna da, baina ez du hasiera ona izan aurtengo denboraldian. Ligako lehendabiziko bi partiduak galdu zituen eta ondorengo biak berriz irabazi. Hala ere pasa den asteburuan Supercopako finala galdu zuten El Salvador hirikidearen aurrean.
Nahiz eta denboraldi hasiera ez izan espero bezelakoa faborito nagusia da kanpoko taldea. Landaren ez du partidarik galdu Hernani lehenengo mailara bueltatu zenetik eta hori da beste arrazoia Hernanik garaipena lortzeko desioan.
Denboraldi hasiera ona egin dute hernaniarrek, batez ere defentsan oso talde indartsua dela erakutsi dute eta azken bi partiduak irabazi dituzte.
Garaipena ez da ezinezkoa eta horren bila irtengo dira burubelarri Polidorik zuzentzen dituen mutilak. Zaleen laguntza eta animoak ere beharrezkoak izango dira. Hirugarren garaipena haundia litzeteke.