Gorrotxategi, Munduko Txapeldun

Aitor Gorrotxategi herna­niarra pelotako Munduko Txapeldun da eskuz binaka. Garaipen ederra lortu zuten berak eta Xabier Sanchok, fi­na­lean, Xala eta Mendyri 10-1 eta 10-4 irabazi eta gero. Beraz hernaniar delegazioa urrezko domina batekin bueltatuko da Hernanira, baina ez da izan domina bakarra. Amaia Ira­zus­tabarrenak ere eskuratu du berea. Finalean ez zuten berak eta Maider Men­dizabalek egu­nik hoberena izan eta Iturrino eta Housset biko­te­aren aurka 15-7 eta 15-4 galdu zuten go­mazko paletan. 

Trinketean ere Urumea bailarako pelotariek beste zila­rrezko domina lortu dute. Oier Gurutzealde astigartarrak ez zuen trinketeko eskuzko ba­nakako finalean ordezko izan zen, baina aurreko par­ti­duetan jokatu duenez zila­rrezko domina ere berea da. 

Aitor Gorrotxategi eta Xa­bier Sancho guztiz nagusi izan ziren final guztian zehar. Lehenengo setean 10-1 irabazi zuten eta bigarrengoan Ipa­rraldeko Laduche kapi­tai­nak Mendy atzelaria aldatu zuen Itur­beren ordez. Hala ere, gauzak ez ziren asko aldatu eta tanto zoragarri batzuren ondoren 10-4 nagusitu ziren Munduko Txapelketa irabaziz. 

Aitor Gorrotxategik lehe­nengo eta azken partiduak jokatu ditu eta bigarrengoa eta finalerdia Mikel Beroizek jokatu zuen atzelari lanetan. 

Finalean jokatzea berezia izan da Aitorrentzat eta oso pozik zegoen urrea lortuta. «Nire garaipenik haundiena da dudarik gabe». Amaia Irazustabarrenari zapore gazi-gozoa utzi zion zilarrak,  finalean ez zutelako beraien mailarik onena eman. «Ez dut sartzeko aukera askorik izan eta ez dugu gure egunik onena izan».