Ateak irekiko ditu Hernaniko Musika Bandak, datorren ostegunean egingo duen entsaioan. Arratsaldeko 19:00etan jarri dute zita, Milagrosako lokalean; eta 20:00etan hasiko da entsaioa; aurretik, bertaratuek aukera izango dute, musikariengana gerturatzeko eta haien beroketa lanak zuzenean ikusteko. Horrela, entsaio ireki honetan, hernaniarrek edota Buruntzaldeako biztanleek, aukera izango dute, musikariekin bat eginez, «barruko bizipenaz eta ikasketaz gozatzeko». Musika munduan hasi direnei, zein dagoeneko denbora daramakitenei luzatu diete gonbitea, parte hartzeko.