Denboraldi berriko aurkezpen festa egingo du gaur Hernaniko Eskubaloi Taldeak, eguerdiko 12:00etatik aurrera, Atsegindegin. Dena den, 10:00etan, infantil mailako mutilen partidua jokatuko da kiroldegian. Atsegindegiko festan, pintxoak eta taldearen aurkezpena egingo dira hasteko, eta bertan, Asier Zubiria ere aurkeztuko dute: Bidasoako atezain eta kapitain ohiak klubarekin egin du bat. Ondoren, 14:00etan bazkaria egingo da, eta segidan, talde argazki xelebre lehiaketa, jolasak, bingoa, merienda eta disko festa izango dira.