Sagardoaren kulturaren bueltan, liburu berri bat kaleratu dute: Sagardogile, Joseba Urretavizcayak idatzi duena. Gaur aurkeztuko dute liburua, Astigarragako Sagardoetxea museoan, eguerdiko 12:00etan.
Herritar guztiei irekia izango da ekitaldia, eta bertan egongo dira, Urretavizcayarekin batera, Sagardo Elkarte ezberdinetako ordezkariak, eta liburuan parte hartu duten hainbat protagonista.
Bukaeran, luntxa ere eskainiko diete, Sagardoetxean bertan, bertaratutako guztiei.
19 sagardogileri omenaldia egiten die liburuak
Liburuak, izenburuak dioen bezala, sagardogileak ditu oinarri. Eta hain justu, 19 sagardogileri egiten die omenaldia. Zehazki, hauei guztiei: Juan Jose Aburuza Otegi (Aburuza sagardotegia), Juan Goikoetxea Altzueta (Altzueta), Jose Gregorio Begiristain (Begiristain), Jose Miguel Bereziartua Lizaso (Bereziartua), Jose Cruz Calonge Lizarazu (Calonge), Rufino Cipitria Ormazabal (Eguzkitza), Juan Bautista Goikoetxea Izagirre (Elorrabi), Felix Garmendia Auzmendi (Etxe zuri), Isidro Iguaran Elustondo (Eula), Jose Goñi Urreaga (Gurutzeta), Juan Ignacio Astiazaran Lasa (Iruin Astiazaran), Jose Mari Lasa Artola (Isastegi), Asentxio Intxauspe Aranburu (Itxas-buru), Sebastian Zabalegi Aristimuño (Oiarbide), Jose Antonio Iparragirre Mendiaraz (Otatza), Joaquin Otaño Goikoetxea (Petritegi), Rosario Arruti Irigoien (Txindurri iturri), Miguel Zapiain Goñi (Zapiain), eta Jose Antonio Gaincerain Zapirain (Zelaia).