Umorea izango da protagonista bihar, Foru Plazan. Hiru pailazo ezagunen bisita jasoko dute astigartarrek: Txirri, Mirri eta Txiribiton etorriko dira, eta Zoro gaitezen! ikuskizuna eskainiko dute, udaletxeko plazan.
Arratsaldeko 17:30etan hasiko da saioa, eta antzerkia, komedia, pailazokeriak, dantzak eta abestiak uztartuko dituzte, martxa ederrean. Horrela, ez dira faltako bihurrikeriak, eta ezta betiko kantak ere: Paristik natorren; Txirri, Mirri eta Txiribiton; Altza Pelipe...
Gainera, doakoa izango da emanaldirako sarrera.