Finalean izango da bihar Aitor Gorrotxategi hernaniarra, atzo bere taldekide Eneko Yoldi eta Mikel Beroizek Mexikori 2-0 irabazi ondoren. Frantzia izango dute aurkari, Estatu Batuetako taldeari irabazi ondoren; arratsaldeko 17:00etan izango da, Bartzelonako Vall D’Hebronen.
Hasiera, erraza
Hasiera erraza izan zuten atzo Yoldi eta Beroizek, aurrean eta atzean, hurrenez hurren. 10-1 egin zuten aurreneko seta, Mexikoren aurka. Ondoren, bigarren seterako aldaketa egin zuten mexikarrek, eta luzeagoa eta gogorragoa egin zen hura, euskaldunentzat.
Azkenean, ordea, irabaztea lortu zuten, asko sufrituta.
Gorrotxategi, aukerekin
Larunbatean jokatuko dute finala, Frantziaren kontra, eta honetan parte hartzeko aukera izango du Aitor Gorrotxategik. Nahiko segurua izango da Eneko Yoldiren parte hartzea aurrean, partidu guztiak jokatu baititu; atzea, aldiz, Gorrotxategi bera eta Beroizen artean egongo da.
Irazustabarrena, gaur
Amaia Irazustabarrenak gaur izango du finalaurrekoa 10:00etan. Zuzenean jarraitu daiteke, hemen: laliga4sports.es.