Iparragirre Sagardotegiak eta Osiñagako Auzo Elkarteak, elkarlanean, ARTAnTXURIKETAN ikuskizuna eskainiko dute hilaren 27an, 20:00etan, Iparragirre Sagardotegian.
Ansa ahizpek, Arantza, Ainhoa eta Maiderrek, eta amak, Maria Jesus Zugarramurdik baserriko sukaldean arta zuriketa antzeztuz, kantu eta kontakizunen saioa eskainiko dute. Ikuskizun horretan, baserriko arratsalde bat antzezten dute, familia ata auzokoak elkartu eta solasaldi bizia sortzen dute elkarrekin, artoa zuritzen duten bitartean.
Ondoren, Afaria KM0 egongo da, bertako produktuekin egindako afaria. Prezioa 26 eurokoa izango da.
Izena emateko azken eguna urriaren 21a da, eta ondorengo telefono zenbaki honetan egin behar da: 943 55 03 28.
‘Artantxu baserria’, amaren haurtzaroko bizilekua
Euskeraren ahozko transmisioa mendeetan zehar eman da, hala baserrietako familia-giro intimoetan nola herrietako bizimoduan eta landako lan-esparruan. Kasu honetan, Leitza, Arano Goizueta eta Oiartzun aldeko kontakizun eta kantak izango dira protagonista.
Ikuskizunaren izenari dagokionez, artoa zuritzeko lanaren harira Artatxuriketa izan beharko zuena ARTAnTXURIKETAN bilakatu da hitz-joko baten bitartez; izan ere, Goizuetako Artantxu baserria da amaren haurtzaroko bizilekua.
«Aurretik ere egin dira honelako ikuskizunak»
Iparragirre sagardotegian aurretik ere egon dira antzeko ikuskizunak nahiz eta lehendabiziko aldia izan ikuskizun hau jasotzen duena. «Urtero egiten dugu honelako afari-ikuskizun bat. Behin Iparramerikako talde bat etorri zen eta benetan ederra izan zen. Gustokoa izaten da eta jendea biltzen da. Aratantxuriketan ikusteko jendea ari da izen ematen eta giro bikaina sortuko da», azaldu dute Iparragirre Sagardotegitik.