Niko Etxart eta Maialen Errotabeherek kontzertua eskainiko dute, gaur, 20:00etan, Biteri kultur etxean. Bikoteak bere errepertorioaren zati bat zabalduko du, bost musikari bikainekin batera. Artista bakoitzak bakarkako abestiak eta, jakina, bikote moduan abesti asko eskainiko ditu. Bi belaunaldi desberdinetakoak izanik ere «musikarekiko maitasun berdina dute, eta batez ere Rock-Blues estiloarekiko».
Maialen Errotabehere eta Niko Etxart izango dira ahots nagusiak eta zuberotarra bere gitarrekin igoko da oholtza gainera.
Bost kideak izango dira: Iñigo Telletxea, baxuan; Iban Larreboure, baterian; Pat Tetevuide, gitarrak eta ahotsak; Dom Earl, gitarrak eta ahotsak; eta Kiki Graciet, harmonika eta ahotsak.
Sarrerak Biteriko harreran eskuratu daitezke 7,5 euroan, baina Kronikalarien artean hiru sarrera bikoitz zozketatu dira.
Hiru saridunak izan dira: Iñaki Lekuona, Mikel Macicior eta Koro Zabaleta. Haiek Biteriko harreran jaso ahal izango dituzte sarrerak.