Bihar arratsalderako jarri du zita, Astigarragako Herri Eskolako Guraso Elkarteak, ikasturteko aurreneko hitzaldiarekin. Juan Carlos Alonso psikologo eta orientatzaileak eskainiko du, ikastolako aretoan, 18:30etan hasita: Nola sortu irakurzaletasuna haurrengan izango da gaia.
Guraso Elkartetik azaldu dute, inoiz ez dela goizegi, irakurketa «haurren bizitzan sartzeko». Eta nabarmendu dute, «haurren eta helduen arteko komunikaziorako tresna egokienetarikoa» dela, «eta baita haurren garapenerako ere».
Horregatik, guraso eta hezitzaileentzat antolatu dute hitzaldia bereziki, Udalaren babesarekin: «haurrak irakurketara hurbiltzeko eta zaletasuna sortu ahal izateko, ba al dakigu zer egin motibatzeko?», galdegin dute.
Horretarako metodo eta tresnei buruz ariko da Alonso, biharko hitzaldian. Izan ere, institutu eta eskoletan egiten du lan berak, arlo horretan; eta gaian aditua da.