Bosgarrenez jokatuko dute, gaur goizean zehar, Joxan Arabiotorre Txapelketa. Goizeko 10:00etan hasiko da, hiru talde ariko dira: Hernani, Oiartzun eta Touring. Aurrena, Oiartzun-Touring partidua jokatuko dute; 11:00etan, Hernani-Touring; eta 12:00etan, Hernani-Oiartzun.
Bestalde, Ohorezko Erregional Mailan, ostegunean jokatu zuten ligako partidua, urteko azkena, Hernaniko mutilek. Eta porrota gogorra jaso zuten, Deustoren zelaian 3-2 galduta. Emakumezkoen Euskal Ligan, berriz, Zubipen ariko dira bihar, 16:00etan, Derioren kontra.