Auzolan ekintza berri bat antolatuko da Putzuzarreko hiru putzuak konpontzeko. Hitzordua gaur zortzi, urriaren 20an izango da, arratsaldeko 17:00etan Akolako atsedenlekuan. Afari-merienda egin ostean behatoki astronomiko bat egingo da Saratsetako lepoan. Ekintzan parte hartu ahal izateko aurrez izena eman beharko da, ondorengo esteka edo lotura honetan: https://bibe.me/entradas-Auzolana-eta-behaketa-astronomikoa-Akolan-Akola-Ere%C3%B1ozu.
Ziraba egitasmoaren baitan, uraska eta bi putzu
Duela bost urte Aranzadi Zientzia Elkarteak martxan jarri zuen Ziraba egitasmoaren baitan, auzolan jardunaldiak burutu ziren. Alde batetik, Zepadiko zabalean hiru putzu berri sortu ziren. Bestetik Putzuzarreko uraska konpondu zen, eta ur behera beste bi putzu sortu ziren.
Putzuzar ondare historiko kulturalaren parte
Ereñotzuko Akola zonaldean dagoen uraska zaharra da Putzuzar, Akolako atseden gunetik 25 bat metrotara kokatzen da. Lur azpiko iturburuko urak ganaduak ura edateko balio zuen, eta aldi berean, arropa garbitzeko eta etxerako ura biltzeko erabilzen zuten.
Ondorioz Putzuzar ondare historiko kulturalaren parte da, eta bertako bizilagunentzat izan zuen garrantzia adierazten da ondorengo web gunean ikusi daitekeen bideo honetan: http://www.aranzadi.eus/video/putzuzar.
Putzuen iragazkortasuna, haunditu
Uraska konpondu eta beste bi putzuak sortzeko, garai bateko teknika baliatu zen. Haun da, inguruko materialak erabili ziren iragazteko, harriak, lurra edota egurra erabiliz. Denborarekin putzuen iragazkortasuna haunditu egin da.