«Herri barruko autobusa jarri beharko genuke martxan, besteei ezer eskatu aurretik»

Aurreko egunetan EH Bilduk egindako adierazpenei eran­tzun nahi izan die Hernaniko PSE-EEk, autobus zerbitzu pu­blikoaren inguruan. 
«Alar­ma sortu nahi izana» leporatu eta koherentzia es­ka­­tu dio: «mu­rrizketak iragarriz he­rritarren artean alarma hori sortu nahi duen bitar­te­an, herri barruko autobus zer­bi­tzua ahaztuta dauka, Udala­ren konpeten­tzia dena, eta linea bakarra dau­kana, ordurokoa. Akaso eredu izan beharko ge­nu­ke, eta gure zerbitzu pubi­koak martxan jarri, besteei ezer eskatu aurretik», azaldu du Ricardo Cres­po bozera­mai­leak. Zentzu horretan, aurre­ra­tu du 2019ko udal aurre­kon­tuetan herri barruko auto­busa­ren gastua haunditzea eska­tuko dutela, zerbitzua hobetu ahal izateko.
Crespok azaldu du, bestal­de, ez zutela autobusen pro­iek­tu berria kritikatu, EH Bil­duk dioen bezala: «alegazioak aurkeztu genituen, Aldun­dia­ren proposamena hobetu zeza­ketelakoan; onartu ditzakete edo ez. Berdin egin genuen ki­roldegiko igerilekuaren kasu­an, eta orduan, EH Bilduren udal gobernuak bota zituen atze­ra proposamen guztiak».

«Ospitalera autobusak izango dira jaiegunetan»
Crespok azaldu du, gaine­ra, «ekintzekin» erakusten dela ko­­herentzia: «EH Bilduk Aldun­dian gobernatzen zuenean, oraingo proiektuaren antze­koa edo okerragoa proposatu zuen. Esaterako, G1 linean, Aie­tetik, behar gehien dagoen ordue­tako proposamena EH Bil­duk proposatu zuen berbe­ra da, 20 minuturo. Uniber­tsi­ta­tera G2 linea orain arte be­zala man­ten­duko da, 30 minuturo. Ospi­talera G3 linea 30 minuturo mantenduko da goizaren ha­si­eran eta eguerdian, ospi­ta­le­ra lanera sarrera-irteerak ber­­matzeko; gainerakoan, ordu­ro, EH Bilduk 2015ean proposatu bezala. Eta A1, A2 eta T6 li­ne­ak, orain arte bezala man­ten­duko dira. Aldiz, mantendu egingo da eta 15:45etan auto­bus bat gehitu Ereñotzura G6 linean, Udalaren eskumena de­na baina Aldundiak kubri­tzen duena Udalari bere obli­ga­zioak betetzea okurritzen zaion arte». Nabarmendu du, gai­nera, Aldundiaren proiek­tu­ari esker, ospi­talera auto­bu­­sak izango direla «igande eta jaie­gu­netan, orain arte ez da­go­ena»; eta gaueko beste linea bat ere bai, Hernani, Andoain, Urnie­ta, Astigarraga eta Do­nostia lotuko dituena.
Bestalde, harrituta azaldu da bozeramailea, EH Bilduk adierazi duelako urtarrilean jarriko dela martxan anto­la­ke­ta berria: «jakin dugunez, urriaren 15era arte aurkeztu daitezke eskaintzak, eta ezin­go da martxan egon urtarrilean. Ez dezatela gezurrik esan herritarrak beldurtzeko, udal hau­teskundeei begira».
Azkenik, gogora ekarri du: «Marisol Garmendi Mugikor­tasun Diputatuaren gestioei esker, datorren urtetik aurre­ra Mugi txartelaren des­kon­tu­ak Renfen baliatu ahal izan­go dituzte hernaniarrek, autobusetako tarifa berdi­ne­kin. Azkarragoa eta erosoagoa da, eta gutxiago kutsatzen du aldiriko trenak. Sozialiston apustua garbia da ferrokarri­laren alde, Europan gertatzen den bezala», dio.