Futbol ‘maratoia’ jaiegunean, Zubipen

Jaieguna aprobetxatuta, osti­ralera aurreratu dituzte aste­bu­ruko konpromisoak, CD Her­naniko hainbat futbol taldek. Hori horrela, sei partidu joka­tuko dituzte gaur, eta horie­tako lau, etxean izango dira, Zubipen. Goizeko 09:00etan hasi, eta futbol maratoia izan­go da, arratsaldera arte.
Lehenengo mailako mutil kadeteak izango dira zelai­ra­tzen aurrenekoak, Urnietaren kontra jokatzeko. Bi ordu be­randuago, 11:00etan, hasiko da Ohorezko Mailako mutil jube­nilena; Vasconiaren kontra ari­ko dira. Eta mutil jubenilak izango dira baita ere, baina lehenengo mailakoak, eguer­dian jokatuko dutenak: Mun­darro astigartarra izango dute aurrean, 13:00etan hasita.
Arratsaldean izango da az­keneko partidua, 15:30etan ha­sita: Lurralde Mailako neskek jokatuko dute, Bergararen kon­trako partidua.
Erregional Preferenteko mu­tilen taldeak Urnietan joka­tu­ko du, 10:00etan; eta Ohorezko Mailako neska infantilek Ordi­ziako Altamiran, 09:30etan.

Talde nagusiak, bihar
Gainerako taldeek asteburuan jokatuko dute. Euskal Ligako neskek Usabalen daukate zita, Tolosaren kontra, 15:30etan. Zubipen ere izango dira parti­duak: Ohorezko Erregional mai­­la­ko mutilek Anaitasuna har­tu­ko dute, 16:30etan; eta Na­zio­nal mailako mutil jubenilek Antiguoko, 18:30etan. «Partidu oso garrantzitsuak eta politak izango dira biak», diote klube­tik. Haien aurretik, 12:00etan, Intxaurdi hartuko dute Oho­rez­ko Mailako neska kadeteek.