Portu Eguna ospatuko dute auzotarrek ostiral honetan, egun osoko egitarauarekin. Eguerdiko 12:00etan hasiko da festa auzotarren arteko patata tortila txapelketarekin; bakoitzak etxetik ekarri beharko du tortila, eta 13:00etan banatuko dira sariak. Ondoren, 14:30etan izango da auzo bazkaria; eta bukatzeko, 18:00etan, erromerian dantzatuko dute Bide batez taldearekin. Bazkariko txartelak gaur arte erosi daitezke.