Gizon bat atxilotu zuen larunbat gauean Ertzaintzak, Zikuñaga auzoko taberna batean, lapurtzen saiatu eta bezero bat erasotzeagatik. Azaldu dutenez, tabernara sartu zen 36 urteko gizona, eta ikusita zerbitzaria ez zegoela bertan, garbiketa lanetan ari zelako, kutxa erregistratzailetik dirua hartzen saiatu zen. Zertan ari zen ikusi zuen bezero batek geldiarazi egin zuen, zerbitzariari deituz, eta bere jarrera leporatu zion. Eztabaidan aritu ondoren, alde egin zuen gizonak.
Baina hortik gutxira bueltatu zen tabernara, bi matxete zituela, eta zenbait bezero erasotzen saiatu zen. Aurrez geldiarazi zuenari, zenbait ebaki txiki egin zizkion aurpegian. Tabernan zeudenek lortu zuten erasotzailea geldiaraztea, Ertzaintzaren patrulla bat iritsi zen arte.