Bat egingo dute gaur Doinu Zale akordeoi orkestrak eta Ozenki eta Goiz Eguzki abesbatzek, kontzertu berezi bat emateko: Imanol Kamio musikari hernaniarrak sortutako Udazkena kantua estreinatuko dute, besteak beste.
Milagrosan emango dute kontzertua, 19:30etan.
Estreinaldia, bukaeran
Aurrena, koro bakoitza bakarka ariko da. Goiz Eguzki hasiko da, zazpi kanturekin: Oi Ama Eskualerri, Salió de Jamaica, Kanta berri, Itsasoa, La golondrina, Hitzak eta doinuak eta Maite.
Gero, Ozenki, beste seirekin: A tu lado, Ixiltasunean, Barbero de Sevilla, Sagarra jo, Juramento eta Kantata Bach.
Bukaeran elkarrekin ariko dira denak, eta Imanol Kamio beraren zuzendaritzapean estreinatuko dute bere kantu berria: Udazkena.