DIA%ko langileek egun osoko greba egingo dute ostegunean

DIA%KO langileak egun osoko greba egingo dute urriaren 11­ean, ostegunean, katearen Gi­puz­koako denda guztietan. «Lan­­gile Komiteko kideok en­presan bizi dugun erabateko esplotazioa eta prekarietatea sa­la­tzeko egingo dugu greba osoa».

Astigarragako DIA%ren au­rrean eman zuten prentsaurrekoa ELA, LAB, UGT,  eta CCOO sindikatuetako ordezkariek. Bertan adierazi zuten «DIA%ko langileok denbora asko daramagu prekarietate egoera hau sufritzen. Langileak eta komitea bera, behin eta berriz, gu­txietsi eta mespretxatuak gara enpresaren aldetik. Inolako au­rre abisurik gabe aldaketak egiten dituzte, askotan lekualdaketan kilometro asko egitera behartuz. Antolakuntza aldaketak maiz egiten dituzte, esate baterako, ordutegienak, inolako aurre abisurik gabe eta gure bizitzak berriz antolatzera be­hartuz». 

CCOOeko ordezkariak adierazi zuen: «Langile falta nabarmena eta orokorra da DIA%ko dendetan. Honen ondorioz, egungo plantilako kideok du­gun lan karga oso altua da. Eta honek zuzenean, gure osasun fisiko zein psikologikoan eragiten du. Denda batzuetan bi pertsona besterik ez daude lan guztiak aurrera ateratzeko: kaxari kasu egin, baldak berritu, garbitu... ezinezkoa da en­presak exijitzen dituen lan guztiak denboran eta behar bezala aurrera ateratzea». 
Kaleratzeak DIA% supermerkatuetako ohiko politika direla dio CCOOek. «Berdin dio behin behinekoa izan edo ha­mar urte eraman enpresan, ezerk ez du bermatzen gure lanpostuan jarraitzea. Lankide asko kaleratuak izan dira gaixotasun bajan zeudela. Zehaz­ki, udara honetan 12 langile izan dira kaleratuak. Gainera, kaleratze hauek burofax bidez komunikatzen ditu enpresak».

UGTko komiteko partaidearen esanetan. «Egoera erabat prekarioari azken ginda jartzeko, DIA&GO denda formatua Euskal Herrira heldu da. lehen denda Bizkaian ireki dute. Goi­zeko 8:30etatik gaueko 23:00­ak arte irekiko dute, langileen kontziliazio eskubidea urratuz. Denda eredu honen ezarpena erabateko sekretismoarekin egiten ari dira, benetan izango duen funtzionamendua eta langileengan izango duen eraginak irekiera baino egun batzuk lehenago azalduz».

«Arrazoi guzti hauengatik, eta enpresaren pasibotasuna ikusita, pauso bat aurrera egingo dugu» diote sindikatuek eta Gipuzkoako DIA%ko langile ko­mi­teak. Egun osoko greba deialdia egingo du. «Biz­kaiako kideak ditugu ere­du. Urriaren 11n, 12:30­etan, Donos­tiako Buen Pas­­torren burutuko dugun elkarretaratzean gonbidatu na­hi ditugu DIA%ko langileak».