Agijupens Gipuzkoako Jubilatu eta Pentsiodunenn elkarteko ordezkariak bildu ziren, ostegunean, Astigarragako plazan eta Zorione Etxezarraga alkateari eskakizunen testua banatu zioten. Alkateak ardura hartu du testua erregistratzeko eta hurrengo plenoan gaia lantzeko.
Iraila eta urrian, Gipuzkoako udal guztietan, nagusien balioaz eta eskubideen defentsaren garrantziaz sentiberatasunezko kanpaina bat bultzatzen ari dira. Pentsioen jasangarritasuna garrantzitsua da beraien ustez eta «KPIa lotuz egon dadila pentsio igoera eta hau egonkortua izan dadila eta ez dadila egom alderdi politikoen eta gobernu itunen menpe. Era berean jasangarritasunaren faktorearen indargabetzea eskatzen dugu».
Udalari ondorengo eskareak egin dizkio Agijupensek. «Erretirodunen Zentroekiko harreman instituzional hobea bultzatzea. Gure zentroen jasangarritasun ekonomikoa bermatzea. Pentsio duin eta zuzenago baten aldeko gure eskabidea babestea. Mota guztietako hesiak ezabatzea eta etxebizitza-eraikuntza eta pertsona guztien hiri-espazioa ahalbideratzea eta hori erraztuz eta pertsona guztien elkar-lotura bultzatuko duena. Udalak Euskadi-Lagunkoia proiektuarekin bat egin dezala. herri mailako pertsona nagusien kontseiluak bultzatzea. Domotikaren aldeko apustua egitea eta ez desiratutako bakardadeari eta isolamenduari amaiera ematea».
Pertsona nagusien zinegotzia eskatzen dugu
Bukatzeko azken eskaera batzuk ere egin dizkiete Gipuzkoako Udalei, Astigarragakoa barne, besteak beste: «Pertsona nagusien zinegotzia eskatzen dugu. Uste dugu zaharkeriaren fenomenoak, adinean oinarritutako diskriminazioak baduela bere eragina. Udalbatza osoan eskutitz hau aztertzea eta ahal bada onartzea pertsona nagusiaren balioztapena eta aintzatespena aitortuz eta partaidetza bideratuz». Bilera bat ere eskatu dute Udaleko ordezkariekin.