Garbigunea irekiko du laster Mendialdea Mankomunitateak Goizuetan, eta bertan aritzeko, lan eskaintza luzatu du.
Garbiguneetarako eta Hondakin Organikoen bilketa eta kudeaketarako postua beteko luke. Behin behineko kontratazioa eginen dute, baita lan poltsa osatu ere.
Izena emateko dokumentazioa aurkeztu nahi duenak, hilaren 11ra arte, ostegunera arte izanen du aukera. Epea 13:30etan itxiko da.
Ostegunera arte aurkeztu ahal izanen da dokumentazioa.
14 orduko lanaldia, hasteko
Hasiera batean 14 orduko lanaldia izanen dela zehaztu dute, hau da, %40koa, hileko bi larunbat barne. Ondoren, lanaldia luzatuz joanen dela diote, zerbitzuak martxan jartzen diren heinean.