Eztabaida EH Bilduk eta EAJk, igerilekuko datu eta iritzien inguruan

Udal igerilekuko obraren in­guruan sortutako zalantzak argitzeko ezohiko Plenoa egin zen atzo, eguerdiko 12:00etan, EAJk eskatuta. Lehenik eta be­hin, EAJko bozeramaile An­do­ni Amonarraizek keja azaldu zuen abuztuaren 30ean egin zutelako eskaera, 19:00etan egin zedin, baina alkateak deialdia egiteko epea deialdia egin gabe pasa zenez, legearen arabera atzo eguerdira arte atzeratu zelako. Alkatea eta EH Bilduko lau zinegotzi, EAJko hiru, PSE-EEko bi eta OHko bat bertaratu ziren.

Jeltzaleek 10 zalantza argi­tzeko eskatu zuten, «Erai­ki­ne­ta­ko Ins­ta­lazio Termikoe­ta­ra­ko Arau­diak (RITE) derrigo­rrez­ko­tzat jotzen dituen baldintza ba­tzuk betetzen ez» direlako, edota txostenetan hainbat da­tutan kontraesanak agerten di­re­lako: «azpikontratuen ak­tak sinatu gabe daude, eta ez da legala. 11 azpikontratu ez dira ageri».

Esti Aldeitu­rriaga, EH Bil­duko kirol jardueretako zinego­tziak azaldu zuen «obra zu­zen­da­ri­tzak, obra gidatu du­ten en­pre­sek eta udal teknikariek ar­gi­tu» izan dizkiotela zalantza ho­riek lehenago ere. Luis In­txaus­pe alkateak ere berretsi zuen «obra batean, obra bera on­do joatea, gida­tzea eta bu­ka­tzea nahi» dutela, eta horretarako pausuak eman dituztela; «’uste dugu’ esateak ez du balio; ho­rretarako daude txosten teknikoak». Aldeiturria­gak gehitu zuen «zerbait gaizki dagoela di­oen iritzi teknikoa egonez gero, txostena eskatzen aurrenekoa» dela udal gobernu taldea. Zen­tzu horretan, argitu zuen, esaterako, epaitegietara jo dela aldageletako lurra irristakorra zelako; makinaria berriak «be­te be­harreko baldintzak be­te eta eman behar duten zerbi­tzua ema­teko egokiak direla»; lamina isolatzailea jartzeko aurrekontua eskatuta dagoela; biomasa galdarari dagokion aka­tsa benetakoa den edo me­ka­no­grafia akatsa den aztertzen ari di­rela; etab. 

Horiek argituta, al­kateak EAJri egotzi zion «liskar politikoa» bilatu nahia, gaiarekiko «obsesioa» eta «teknikari bat aktak sinaraztera iritsi» izana. Amonarraizek, berriz, «tek­ni­ka­riak gezurra» zioela esan zuen, eta berretsi zuen hainbat galdera erantzun gabe geratu direla; «teknikari in­de­pendienteek egin behar lukete txostena».