Larunbat honetan jokatuko du bere azkeneko partidua, Koteto Ezkurra erremontistak. Eta bere agurrean, jaialdi berezia prestatu dute, Galarreta frontoian, arratsaldeko 16:00etan hasita. Sarrerak dagoeneko salgai daude, makina bat tokitan: Hernanin, Galarreta frontoian; Leitzako Peritza tabernan; Doneztebeko Titi, El Cafe eta Pepa’s tabernetan; Lesakako Tellechea estankoan eta Izarra okindegian; Sunbillako Bustiz tabernan; Lekunberriko Aurrera tabernan; eta Iruñako La Jaula del Cuarto y Medion eta Maira jatetxean.