Urriarekin batera kultur eragile asko eta askok agenda martxan jartzen dute. Udara amaitu da eta opor garaia ere bai. Horrexegatik jendeari eskaintza zabala egiten zaio eta lehen ekintzak hasten dira iragartzen. Udazkenean sartu gara eta hori nabari da ekitaldi kulturaletan. Ekitaldietan nabarmentzekoa da hilabete amaieran antzeztuko den Txarriboda.
Euskarazko antzezlan honetan Mireiak eta Imanolek ezkongai bikote perfektua osatzen dute. Zorionaren irudi dira. Ezkondu egin dira eta Patxi Bilbaok, emaztegaiaren aitak eta Ipertrolako haundi mandiak, antolatu du ospakizun gala. Festa itzela.
Antzerkiarekin lotuta, baina batez ere euskerarekin, Euskaraldia ekimenaren harira, Ttak ikuskizuna eskainiko du Beatriz Egizabal klown eta antzerkilariak, datorren asteazkenean, 19:00etan kultur etxean. Umorea ardatz duen bakarrizketa da, ikusleak egoeran jarri nahi ditu eta norbere hizkuntza jokabideen hausnarketa probokatu.
Ipuin kontaketa, zinea, hitzaldia, literatur solasaldia, argazki erakusketa...
Zineak euskaraz ere bere lekua du urrian. Euskara sailak Oin handiren semea eskainiko du urriaren 13an eta zine forumean Mariposas en el hierro dokumentala dago, urriaren 22an. Hainbat indarkeria mota jasandako emakumeen testigantzak jasotzen dira. Egun horretan bertan, literatur solasaldian El Principitoren inguruan hitzegingo da Jorge Carrerok zuzenduta.
Hiru eta 9 urteko haurrentzat ipuin kontaketa egongo da, urriaren 11ean, kultur etxean. Lur Kortak Tximeletak belarriak irakurriko du.
Irakurketarekin lotuta, urriaren 18an, haurrengan irakurzaletasuna bultzatzeko hitzaldia eskainiko da ikastolako aretoan.
Urriaren 19tik aurrera argazki erakusketa egongo da ikusgai kultur etxean. Sagar uztako rallyan parte hartu dutenen argazkiak ikusi ahalko dira eta 19an bertan sariak banatuko dira.
Sagardoetxean asteburuetan sagar muztioa egin eta dastatzeko aukera ere badago familientzat.
Txirri, Mirri eta Txiribiton; eta Astigazte lehiaketa
Urrian ere Astigazte lehenengo lehiaketa jarri da martxan. Bertan, 12-18 urte bitarteko gazteek parte hartu dezakete eta Ergobiako zubia gaitzat hartuta idazlana eta irudia aurkeztu beharko diztuzte urriaren 14a baino lehenago. Baldintzak www.astigarraga.eus web gunean irakurri daitezke.
Haurrentzako Txirri, Miri eta Txiribiton pailazoek ikuskizuna eskainiko dute urriaren 21ean, Foru Plazan eta egun bat lehenago Pala Txapelketa mistoa antolatu du gazte asanbladak.
Urriko Agenda
10, Ttak. Asteazkena 19:00etan kultur etxean. Beatriz Egizabal klown eta antzerkilariak, Euskaraldia ekimenaren harira, umorea ardatz duen bakarrizketaren bidez, ikusleak egoeran jarri nahi ditu eta norbere hizkuntza jokabideen hausnarketa probokatu. Ondoren, astigartarrak.eus atariaren aurkezpena egingo da. Sarrera doan.
11, Ipuin kontaketa: Tximeletak belarriak liburutegian, 18:00etan, osteguna. Saio bakarra 3-9 urte bitarteko haurrentzat. Lur Korta.
13, Zinema, Oin handiren semea. Larunbata kultur etxean, 17:00etan. Euskara saila, 2 euro.
14, I. Azstigazte. Igandea. Lehiaketan 12-18 urte bitarteko gazteek parte har dezakete eta Ergobiako zubia gaitzat duen idazlana eta irudia aurkeztu beharko dituzte urriaren 14rako. Oinarriak www.astigarraga.eus.
17, Aurkezpena mintzalagun eta zilegi eskolak. 09:30etan eta 18:30etan, asteazkenean. Nabarra Oñatz kaleko AEKren lokalean.
18, Hitzaldia: Nola sortu irakurzaletasuna haurrengan Ikastolako aretoan, ostegunean 18:30etan. Inoiz ez da goizegi irakurketa haurren bizitzan sartzeko eta haurren eta helduen arteko komunikaziorako tresna egokienetarikoa da, baita haurren garapenarako ere. Haurrak irakurketara hurbiltzeko, zaletasuna sortzeko, ba al dakigu zer egin motibatzeko?
19-31, Argazki erakusketa. Kultur etxean. XI Sagar Uztako argazki rallyko sariak hilaren 19an, 19:00etan, banatuko dira eta urriaren 31ra arte saritutako argazkiak eta parte hartzaile bakoitzaren argazki bana egongo dira ikusgai. Ordutegia: asteartetik larunbatera 11:00-13:30/16:00-19:30 eta igandean 11:00-13:30.
21, Txirri, Mirri eta Txiribiton, igandean, 17:30etan, Foru Plazan. Pailazoek Zoro gaitezen! ikuskizuna eskainiko dute: antzzerkia, komedia, pailazotza eta dantza, baina batez ere martxa uztartzen dituena. Taldearen betiko kantak abestuko dituzte.
22, Zine Foruma. Kultur etxea, 16:30etan, astelehenean. Mariposas en el hierro dokumentalean hainbat indarkeria mota jasandako emakumeen testigantzak jaso dira. Ideologia eta jatorri desberdinetakoak dira, baina guztiak bat datoz indarkeria gainditzeko nahiarekin, justiziazko etorkizun baketsuari begira jartzeko. Bertha Gaztelumendi zuzendariak egingo du filmaren aurkezpena.
22 Literatur solasaldia, astelehenean, 19:30etan liburutegian. Jorge Carrerok zuzenduta, hilabete honetan Antoine eta Saint-Exupèry idazlearen El Principito liburuaren ingurukoa izango da.
27, Txarriboda, antzerkia. Kultur etxean, 20:00etan, larunbatean. Kabareta Hika teatroaren eskutik. Sarrerak 6 euro helduek eta 3 euro adin txikikoek.
Asteburuetan, Sagardoetxean Sagarrari zukua atera familian!. Sagar muztioa egiteko aukera izango da, urriko asteburuetan: sagarrak kizkiarekin bildu, pisoiekin jo, prentsatu eta egindako muztioa dastatu. Larunbatetan 12:00etan eta 17:30etan. Eta igandeetan 12:00etan. Euskaraz eta gazteleraz izango dira tailerrak. Helduek 4 euro eta haurrak doan. Erreserbak info@sagardoarenlurraldea.eus 943550575.
20, Pala txapelketa mistoa Txomiñenean, 16:00etan. izen ematea zabalik Zipotza tabernan urriaren 14ra arte. Astigaragako Gazte Asanblada da antolatzailea.
23, KZ Guneko dinamizatzailea bertan iznago da urriaren bertan izango da 16:00etatik 17:45etara.