Festak antolatzeak lana ere ematen duela, eta atzealdean, baina gogotsu aritu da lanean Lizeaga auzoko Gibelalde auzo elkartea.
Ostiralean hasi zituzten festak, eta atzokoan egun osoan izan zen jai-giroa auzoan. Gaur ere, beste pixka baterako tartea izango da, noski!
Adinekoak ere, gogoan, jan-edanera jo aurretik
Eguna adinekoak omentzen hasiko dute, Sandiusterrin, egoitza ere auzoaren parte baita.
Jan-edanerako aukera izango da gero: tortilla lehiaketa egingo da, eta sagardo dastaketa ere bai. Toka, botea eta musarekin borobilduko dute eguna.
Xakean, Devesa eta Estefano
Ostiraleko Xake Txapelketari dagokionez, 16 haurrek hartu zuten parte, eta Ekaitz Devesa eta Ekain Estefano nagusitu ziren haundien eta txikien kategorian, hurrenez hurren.
EGITARAUA
10:30, Omenaldia adinekoei, Sandiusterrin.
11:30, Tortillak eramateko ordu-muga, lehiaketan parte hartzeko.
12:30, Sagardo dastaketa eta trikitixa.
12:30, Toka eta bote txapelketak.
16:00, Mus txapelketa, Lizeaga tabernan.
20:00, Jaien bukaera.