Munduko Pilota Batzarrak urtero zirkuitu bat osatzen du selekzioan aukeratutako pilotariekin. Aurten hiru hernaniar aukeratu dituzte. Ostegunean hasi zituzten partiduak eta hirurak elkarren aurka aritu ziren. Irazustabarrena eta Huizik 25-15 irabazi zieten Ibañez eta Arrietak osatzen duten bikoteari. Bestetik, asteburuan zehar partidu desberdinak jokatuko dira. Gipuzkoako Txapelketan, mutilak Errenterian ariko dira, eta neskak Hernanin. Igandekoan, hernaniarrek partidua irabazita daukate, aurkariek ezin dutelako jokatu.