Aurten 29garren Mugarri bisita antolatu da urriaren 6an, larunbata, eta aurten ere bi ibilbide egingo dira. Heldu-entzako Antxista-Naparralden zehar eta haurrentzako Ergobia eta Oriamendi arteko ibilaldia.
Haurrak 09:00etan irtengo dira Gudarien plazatik eta helduak berriz, 07:30etan leku beretik.
Esan helduen ibilbidean sei lagunentzako tokia dagoela eta izenematea Biterin kultur etxean egingo da.
29 urte berreskuratu zela Mugarri bisita eta festa
Orain 29 urte berreskuratutako festa honek, XVI. mendean du lehenengo erreferentzia idatzia. 1542an sinatu ziren Hernaniko ordenantza berriak. Eta ordenantza haien 14garren artikuluan jasotzen da agintariak, herriak hautatuak izan ondorengo sei egunetan, herriaren mugak ikuskatu behar zituztela.
Geroztik bisita horiek hainbat aktatan jasota daude, Mugarri bisitan haien inguruko xehetasunak.
Hernaniko mugei bisita berreskuratutako festa bat da, eta mugen ikuskatze hori du bere oinarrian. Mugen arteko ibilbidea adostu ondoren, mugarrien egoera aztertu eta bideen txukunketa egiteko baliatzen da.
Udala eta Mendiriz Mendi
Egun Hernaniko Udalak eta Mendiriz Mendi elkarteak elkarlanean antolatzen duten jarduera bat da eta helburu desberdinak ditu: Herriko geografiaren ezagutza eta hedapena; Identitate ezaugarri denez, herritarren anaitasun eta lurraldea estimatzea; Herriaren iragan historikoari buruzko kontzientzia eragitea eta azkenik lagunarte giroan naturarekin gozatzea.