txupinazioarekin batera hasiko dira 2018ko Lizeagako jaiak. Gaur 17:30etan izango da hori, eta jarraian haurren xake txapelketa, etxeko txikienei zuzenduta puzgarriak eta aurpegi-margoketa izango dira. Ondoren marrazki lehiaketarako materiala banatuko da eta gauean, 22:30etan tute txapelketa antolatu da Aitan Etxe tabernan. Festa giro itzela nagusituko da eta hainbat ekintza antolatu dira datozen 3 egunetarako. Ekintzok publiko guztiari begira prestatu dira, noski: haur eta gazteentzat ekintzak izango dira, txapelketa eta lehiaketak ere antolatuko dira, koadrilen afari eta herri-bazkaria, musikarik ez da faltako, eta adinekoek ere izango dute jai hauetan protagonismoa.