Gizarte-bonoa da argindar konpainiek fakturan aplikatzen duten deskontu bat, eta hori jasotzea eskatzeko epea irekita dago.
Eskatzaile zaharrek epe laburragoa
Dagoeneko gizarte-bonoa jasotzen dutenek eskaera berritu behar dute urriaren 8a baino lehen, onura hori galdu nahi ez badute. Aurreneko aldiz eskatzeko, berriz, epeak irekita jarraituko du.
Eskaerak enpresa elektrikoetan egin behar dira, bakoitzean eskura jartzen dituzten bideen bitartez.
Hainbat baldintza
Eskaera egin ahal izateko hainbat baldintza bete behar dira. Hasteko, deskontua ohiko etxebizitzako fakturan lortu daiteke, 10kW edo gehiagoko potentzia kontratatua badago. Era berean, araudian agertzen diren beste baldintza batzuk ere bete behar dira.
Horrez gain, onura jasotzeko aukera izango dute familia ugariek, gizarte segurantzako gutxieneko pentsioa jasotzen dutenek, eta etxeko diru-sarrerak urtean hauek baino gutxiagokoak dituztenek: adingaberik gabeko familietan 11.279,39 euro; adingabe batekoetan 15.039,18 euro; eta bi adingabekoetan 18.798,98 euro. Familiako kideren batek %33ko ezgaitasuna badu, edo terrorismo edo genero indarkeriako biktima bada, mugak haundiagoak dira.
Informazio gehiago enpresa elektrikoetan ematen dute, baina enpresak bonoa jasotzeko ezetza ematen badizu eta baldintzak betetzen dituzula uste baduzu, Hernaniko kontsumo bulegora jo dezakezu erreklamazioa jartzera: Sandiusterrira: 943 55 78 54 / marian-o@hernani.eus.