Energia pobrezian bizi diren pentsionistei, laguntzak

Beste 60.000 euro gehitu ditu Udaleko Zerbitzu Sozialak, pobreziari aurre egiteko diru-laguntza poltsara, eta horrela, denera, aurten 434.500 euroko poltsa osatuko da. 

Orain gehitu diren 60.000 euro horiek pobrezia ener­ge­ti­koan bizi diren pentsionistei laguntzeko bideratuko dira, argia eta gasa ordaintzen la­gun­tzera, alegia.

Laguntza jaso dezaketen edo ez, bakarka, modu pertso­na­lizatuan aztertuko da pen­tsio­nista bakoitzaren kasuan, eta beraz, Udalak dei egin die de­nei, Zerbitzu Sozialetan hi­tzordua hartzeko: 943 55 78 54.

Adineko Kontseiluarekin adostutako neurria
Zerbitzu Sozialetako lehen­da­ka­riak, Xabier Lertxundik eman du neurriaren berri, Adi­neko Kontseiluko ordezka­ri­ekin batera: Javier Arraztio, Mi­ren Clemente, Ana Artavia eta Txomin Gainza.

Lertxundik azaldu du «Adi­neko Kontseiluarekin ados­­­tutako neurria» dela hau, eta erronka dela laguntza ba­na­tzea. «Laguntza jaso de­za­keten askok ez dakite jaso dezaketela».

Horregatik, eskutitza bida­li­ko die Udalak, gutxieneko pen­tsioa Lanbideko RGIarekin osa­tzen dutenei. «Datu horiek badauzkagu, eta eskutitza bi­da­li diezaiekegu. Baina ba­di­ra RGIa jaso dezaketela ez da­ki­te­nak, eta, beraz, horien daturik ez daukagu eskutitza bidal­tze­ko. Horregatik, deial­dia egin nahi diegu gutxie­ne­ko pen­tsioa jasotzen dutenei, Zer­bi­tzu Sozialetara jo de­za­ten, ka­sua aztertu eta la­guntza jaso ote dezaketen begiratzeko».

«65 urtetik gorakoa emakumeak, ahulenak»
Datuen arabera, Lertxundik azaldu du «errenta bajuak kobratzen dituztenen %70, 65 urtetik gorakoak» direla, eta «horietatik gehienak, emaku­me­ak. 65 urtetik gorako ema­kumeak dira ahulenak».
Miren Clementek azpi­ma­rratu du: «adinekoen kon­tzen­trazioetan parte hartzen duten askok ez dakite la­gun­tzak jaso ditzakeleta, eta ez daukagu eskatzeko ohiturarik. Konfor­matu egiten gara. Baina gal­detu egin behar da. Kasu ba­koitza aztertzen da».