HAINBAT ikastaro izango dira aukeran ikasturte berrian, kiroldegian: uretakoak batzuk, eta lehorrekoak besteak; hiruhilekoak edota urte osokoak, aukeran. Izenemate epea gaur itxiko da.
Berrien artean, zozketa
Kiroldegian bertan eman behar da izena. Plazak ez dira izenemate hurrenkeraren arabera banatuko; talde batean lekua bukatzen bada, zozketa egingo dute berrien artean, gaur bertan.
Ordutik aurrera egiten diren izenemateekin ordena jarraituko da. Ikastaroak urrian hasiko dira eta ekainera bitarte iraungo dute.
Aukeran besteak beste; aerobik, zumba, pilates, mantentze igeriketa, aquagym... egin ahal izango dute. Eta aukera zabal izanik adin aldetik ere ez dago mugarik. Adin guztietako herritarrentzat daude ikastaroak.