Txistorra dastatzeko hainbat aukera, asteburuan ere

San Joan Konpartsak eta Eskubaloi Elkarteak jarri zi­tuzten, aurreko asteburuan, Hernaniko aurreneko txistorra postuak. San Joan Kon­par­tsa­koak Donostian ere izan ziren atzo, eta Hernanin, be­rriz, CD Her­nanik, Gaz­te­lekuak eta Karabeleko Belkara auzo elkar­teak antolatu zituz­ten txistorra jateak. Baita Goiz Eguzkik ere.

Azken honetan, udaz­ke­neko karta eta herri-jolasetako sariak ere banatu zituzten. Kaleko jolasetako saria jaso zuten: emakumezkoetan, Jose­fa Sanchez, Mª Cruz Llorentek, Loren Oyarbidek eta Tomasa Escarmenak; eta gizonez­koe­tan, Francisco Moyak, An­tonio Mongek, Jesus Brillok eta Da­vid Inclanek. Musean, irabaz­leak izan dira Primitivo Gon­zalez eta Luis Lozano; eta bi­garren sailkatu dira Antonio Rubio eta Benjamin Mi­randa. Tutean, Lukas Yustek eta Ra­mon Ormaecheak irabazi dute; eta txapeldunorde izan dira Teodoro Del Rio eta Evaristo Gar­cia. Punttoan, Mª Dolores Anabitartek eta Carmen Cues­tak jaso zuten aurreneko saria; bigarrena, aldiz, Jose Villa­ma­rin eta Sabino Mateos.
Behin festa giroan sartuta, gaur eta bihar ere izango da, atzoko Santo Tomas egunaren aitzakian, txistorra gehiago dastatzeko aukera.

Udazkeneko karta eta herri-jolasetako sariak banatu zituzten atzo.

Gaur goizean, Zikuñagan eta Florida-Etxeberrin
Zikuñaga auzoan gaur jarriko dute postua 11:00k aldera, eta Florida-Etxeberrin, 12:00etan jarriko du Auzokide elkarteak.

Bihar, Portun eta Lizeagan
Txistorrarekin eta Santo To­mas­eko ospakizunekin buka­tze­ko, beste bi zita izango dira bihar: Portu auzoan, 12:00etan jarriko dute txis­torra postua, eta Lizeaga auzoan, 12:30etan, Urumean. Azken ho­netan, bal­koi, leiho edo fatxada apaine­nari ere saria emango diote eta bazkide egiteko auke­ra ere izango da.