AEKn ikastera animatzeko deia, Udalak

Ikasturte berria hastearekin batera, matrikula garaian murgilduta dago Astigarragako AEK euskaltegia ere. Eta Uda­lak, deia luzatu die euskera ikasi edo hobetu nahi duten herritarrei, euskaltegian apun­tatzera animatu daitezen.

Joan den astean, euskaltegian bertan izan zen Urkiri Salaberria euskera zinegotzia, Udalaren babesa adierazteko; eta baieztatu zuen, aurten ere dirulaguntza emango diela, ikasturte honetan euskaltegi­an arituko diren astigartarrei. Dirulaguntza hori, %100ekoa izan daiteke, bost multzotako herritarren kasuan: arazo ekonomiko larriak eduki eta agiri bidez justifikatu ditzaketenenak; 12 urtera arteko haurrak dituzten gurasoak; langa­bezian daudenak; eta merkatariak direnak. Gainerako he­rritarrek, berriz, matrikularen %75a jasoko dute, ikasturtearen bukaeran.

Informazio gehiagorako eta euskaltegian apuntatzeko, lau bide jarri dituzte aukeran: kultur etxeko bigarren solairura azaldu, 607 610 687 edo 688 746 639 telefonoetara dei­tu, edo astigarraga@aek.eus helbide elektronikora idatzi.