Ostegunean eta ostiralean jokatu dituzte partidu gehienak, esku pelotari hernaniarrek, Gipuzkoako Txapelketaren bigarren jardunaldian. Eta gaur ariko diren hiru bikoteak, Hernanin ariko dira, kiroldegiko frontoian, 16:00etan hasita: aurreneko garaipena bilatuko dute Urra eta Lasak, kadeteen bigarren mailan, Alde Zaharraren kontra; bigarrena eta bolada onarekin jarraitzea Apaolaza eta Albenizek, kadeteen lehenengo mailan, Ilunperen kontra; eta debuta egingo dute bigarren mailako jubenilek, azkenik, Izurunen kontra.