Migrazioaren gaiak puri-purian jarraitzen du, eta horren inguruan aritzeko, bi jarduera antolatu ditu aste honetan AMHER-SOS Arrazakeriak elkarteak.
Atzo eskaini zuen hitzaldia Agustin Unzurrunzaga SOS Arrazakeriakeko kideak, eta gaur, Fatima pelikula ikusi ahal izango da. Arratsaldeko 19:00etan jarriko dute, Biterin.
Ama argeliarraren istorioa
Ama baten istorioa kontatzen du pelikulak. Fatima Argeliako emakumea da, Frantzian bizi dena. Ordu asko ematen ditu lanean etxeetan, ospitalean, eskoletan... baina frantsesik ia ez daki. Bi alaba ditu eta eskolaren bidez atera nahi ditu aurrera.
Hala ere, dena ez da hain erraza izango; arazo asko izango baititu: familian, auzotarrekin, lanean... Etengabe ikasiz, bere buruaren jabe izatea da bere erronka.