Dena prest daukate Karabelen Auzo Eguneko etxeferoa botatzeko. Bihar izango da hori, 10:00etan; aurreneko suziriarekin batera, gainera, musikak alaituko du eguna.
Auzoko gaztetxoenei egingo diete deia hasteko, jolastera jaisteko, aurpegiak margotzeko aukera eta puzgarrietan ibiltzekoa izango dituzte, orduan. Ondoren, buruhaundiak aterako dira.
Ordura arte, tortilla eta bizkotxoak prestatzen arituko dira helduak, etxean; 11:45etarako entregatu eta eguerdian sariduna den ala ez jakiteko!
Ordu berean animatuko ditu txikienak Lekimek; sagardo dastaketa eta toka txapelketa ere, 12:00etan izango dira. Paella janarekin bapo geratuko dira denak, gero.
Eguna bukatzeko, jolasak eta dantza: hasteko, bingoa eta jokoak izango dira, eta bukatzeko, zumba eta DJ Nemus. Zezen suzkoa eta trakarekin bukatuko dira festak, gauez.
Salgai, gaur arte
Gaur izango da azken eguna paella-jaterako txartelak, bingorako kartoiak, kamixetak eta zapiak erosteko. 17:00etatik 20:00etara erosi ahal izango dira, auzo elkartean.
EGITARAUA
10:00, Diana.
10:30, Aurpegi margolariak eta puzgarriak.
11:00, Buruhaundiak.
12:00, Tortilla eta bizkotxo txapelketa (goizeko 11:45ak arte entregatu ahal izango da, txosnan). Bitartean, Haurrentzat animazioa Lekimekin; sagardo dastaketa; eta toka txapelketa.
14:00, ‘Paella’ herrikoia.
15:30, Bingoa.
17:00, Joko herrikoiak.
18:30, Txokolatada
19:00, Zumba.
21:00, DJ Nemus.
22:00, Zezen suzkoa.
00:00, Traka eta suak.